السلام عليكم اليوم مع الوصفات السهلة جبتلكم طبق في الفرن سهل و ما ياخذش وقت ويحبوه كامل الاطفال بمكونات بسيطة و سهلة و هو غراتان البطاطا و اللحم المفروم قراءة ممتعة للوصفة .
المقادير :
- لحم مفروم
- بطاطا مسلوقة نصف طياب
- بيض حسب الكمية انا استعملت 2.
- بصل مفروم
- معدنوس مفروم
- شوية حليب
- جبن مبشور
التحضير :
- نغلي البطاطا نص طياب و نهرسها شويا .
- نقلي اللحم مع البصل في شوية زيت و نتبلو بالملح و الفلفل اسود ثم نضيفلو المعدنوس المفروم .
- في صحن ندير اللحم بعد ما طاب نص طياب نزيدولو البطاطا و الحليب و البيض و شوية من الجبن الي عندنا و نخلط .
- نديرهم في صحن الفرن و ندير فوقهم الجبن الي بقى و ندخلهم الفرن حتى ينشف الخليط نشعل الفرن مالفوق باه يتحمرو .
و شهية طيبة
غراتان البطاطا و اللحم المفروم
Reviewed by oum ali
on
أكتوبر 09, 2017
Rating:
Reviewed by oum ali
on
أكتوبر 09, 2017
Rating:
ليست هناك تعليقات: