قنيدلات المربى

السلام عليكم في مطبخ ام علي اليوم مع وصفة جديدة من صنف الحلويات و هي قنيدلات المربى .
وصفة سهلة للمبتدئات في الطبخ و مجربة و مضمونة بمقادير مضبوطة .

نبدأ على بركة الله :

المقادير :

• 250غ زيدة .
• كأس سكر .
• 3 بيض .
• 2 اكياس خميرة كيميائية .
• فانيليا
• فرينة 
• مربى المشمش او ذوق اخر .

التحضير :

1. نخلط الزبدة الطرية مع السكر حتى تصبح كريمية ، نضيف بيضة و نخلط نضيف البيضة الثانية و نخلط ثم البيضة الثالث .
2. نضيف الفانيليا و خميرة الحلوى ، نضيف الفرينة بالتدريج حتى تصبح عجينة طرية .
3. نأخذ قليل من العجينة و نزيدلها الفرينة حتا تصبح صلبة بعض الشيء و نتركها بالجانب .
4. نشكل كريات من العجينة الاولى الطرية و نديرها فالقوالب الخاصة بالقنيدلات الي نكون دهنتهم بالزيت . و نشكل العجينة لتأخذ شكل القالب .
5. نملئ القلب بالمعجون و نسكرفج فوقو هديك العجينة الي خليتها بجيهة الي زدتلها الفرينة .
6. ندخلهم الفرن 180درجة حتى تكسب اللون الذهبي .
7. كي نخرجهم نذرذر فوقهم سكر تسكار .

و شهية طيبة