حنيونات الخميرة

السلام عليكم في مطبخ ام علي اليوم مع وصفة جديدة من وصفاتي و هي حنيونات الخميرة خفاف لشرب القهوة ، وصفة مضمونة و مجربة .

نبدأ على بركة الله :

المقادير :

• 500غ فرينة 
• حبة بيض
• 3 ملاعق كبار سكر 
• 3 ملاعق كبار زيت 
• قشور الليمون او البرتقال
• 2 ملاعق كبار خميرة 
• حليب دافئ لي لم العجينة 
• ملعقة كبيرة زبدة 

التحضير :

1. نخلط الفرينة مع حبة بيض  و السكر و الزيت و نضيفلهم قشور الليمون او البرتقال ، و الخميرة و نضيف الحليب الدافئ بالتدريج حتى تصبح لدينا عجينة طرية .
2. نضيف ملعقة زبدة ندخلها فالعجين ياليد و نعرك العجينة لمدة 10 دقائق ، و نتركها تخمر لمدة نصف ساعة .
3. بعد ما تخمر نهبطلها الخميرة و نشكل كريات من العجين يكونو قيس واحد ، نحربشهم و نشكل حنيونات ، و نديرهم في الصينية و نتركهم يخمرو .
4. بعد ما يخمرو مليح و الحجم تاعهم يتضاعف نطليهم بالبيض و نرش عليهم سكر عادي و ندخلهم الفرن 200درجة حتى يكتسبو لون ذهبي غامق .

و شهية طيبة .