جينواز الفانيليا

السلام عليكم في مطبخ ام علي انشاء الله تحت طلب الاخوات  اليوم نديرو جينواز بالفانيليا سهلة و خفيفة مثل المحلات.

المقادير : 

• 6 بيض
• 200 سكر 
• 200 فرينة 
• كيس خميرة حلوى 
• ملعقة صغيرة فانيليا 

التزيين :

• كاس شنتيي 
• كاس حليب بارد او ماء 
• فواكه .

التحضير :

1. نخلط السكر مع البيض جيدا حتى يصبح الخليط رغوي ابيض . 
2. نخلط خميرة الحلوى و الفانيليا و الفرينة مع بعض و نغربلهم بالصفاية و نضيفهم للبيض  شيئا فشيئا و تحركيها بلعقل .
3. نضع ورق الطهي فالمول و نفرغ الخليط فيه ، ثم ندخلها الفرن 180 درجة . حتى تطهى (دخليلها سكين اذا خرج ناشف اعرفي بلي طابة )
4. نتركها تبرد جيدا ، ثم نقطعها على 2 طبقات او 3
5. نشرب كل طبقة بالسيرو الي نكون حضرتو من قبل بوضع كاس سكر و 2 كيسان ماء فوق النار مع ملعقة فانيليا الى ان يغلي و يعقد قليلا . و نتركه يبرد 
6. نطلع كريمة شونتيي بالخلاط بوضع كاس شونتيي و كاس حليب او ماء بارد من الثلاجة الى ان تصبح كريمة ثقيلة .
7. نضع الشونتيي بين كل طبقة و نكمل الباقي فالطبقة الاخيرة و على الجوانب .
8. والتزيين بالفواكه اختياري انا زينتها بالكيوي و الفراولة .

و شهية طيبة .