السلام عليكم اليوم مع وصفة جزائرية تقليدية الجميع يحبها و هي التشاراك المسكر هش و يذوب فالفم . نبداو على بركة الله :
المقادير :
العجينة :
- 3 كيلات فرينة .
- كيلة سمن .
- فانيليا .
- كيلة ماء و ماء زهر مخلطين .
- قبصة ملح .
الحشو :
- 2 كيلات لوز او كاوكاو مرحي .
- كيلة سكر ماشي معمرة .
- ملعقة صغيرة فانيليا .
- ملعقة كبيرة سمن .
- ماء زهر .
التحضير :
العجينة :
- اخلطي الفرينة و السمن و شوية فانيليا و قبصة ملح ، حتى تتشرب الفرينة بالسمن ، و بلي بالماء و الماء زهر . (لا تعجني العجينة ليميها برك). و اتركيها ترتاح .
الحشوة :
- نخلط اللوز المرحي او الكاوكاو مع مغرفة سمن و الفانيليا و السكر ، و نبل بالماء زهر حتى نحصل على حشوة ماشي متماسكة بزاف.
- نحل العجينة و نقطعها دوائر يكونو شوية كبار عالكاس
- ندير حربوش من الحشو فوق العجين و نغلق عليه مع الضغط على الجوانب و اعطائه شكل التشاراك
- ضعي الحبات في صينية ماشي مدهونة و دخليه فرن بدرجة 150 لمدة 25 الى 30 دقيقة حتى تكسب لون ذهبي . اخرجيها من الفرن و اتركيه يبرد جيدا .
- نشمخ الحبات تاع تشاراك فالماء زهر ماشي بزاف و نديرو فالسكر تسكار نرمدو باليد .
و شهية طيبة.
تشاراك المسكر
Reviewed by oum ali
on
أكتوبر 13, 2017
Rating:
ليست هناك تعليقات: