السلام عليكم اليوم مع وصفة مقبلات سهلة و خفيفة و مكاش الي ما يحبهاش ، وهي وصفة ميني بيتزا . نبداو على بركة الله.
المقادير : ل 12حبة
العجينة:
- 1 فنجال ماء.
- 1 فنجال زيت .
- 1 فنجال حليب .
- ملعقة صغيرة و نصف خميرة الخبز.
- قرصة ملح.
- ملعقة صغيرة سكر .
- فرينة .
الصوص :
- حبة طماطم او 2 اذا كانت صغيرة .
- حبة بصل .
- ملح و فلفل اسود .
- رند .
- فص ثوم .
- ملعقة زيت
التزيين :
- تونة او لحم مفروم
- زيتون
- جبن مبشور
التحضير :
الصوص :
في طنجرة نقطع الطماطم و البصل نضيف ورقة رند ولا زوج و فص ثوم مهروس و ملعقة كبيرة زيت و نديرها فوق نار متوسطة ، و ندير الملح و الفلفل اسود ، و شوية ماء.
كي طيب نخليها تبرد و نرحيها .
العجينة :
1. نخلط كل المقادير مع بعض ماعدا الفرينة نديرها بالتدريج حتى تتلم العجينة .
2. نترك العجينة تخمر لمدة نصف ساعة على الاقل .
3. بعد ما تخمر نحل العجينة بشوية فرينة و نقطعها بالكأس . نثقبها بالفرشيطة ، نديرها في صينية و نديرلها شوية صوص و نديرلها الطون او لحم مرحي (اختياري) و نديرلها زيتون و فرماج رابي .
4. ندخلها الفرن حتى تطهى العجينة .
و شهية طيبة .
ميني بيتزا
Reviewed by oum ali
on
أكتوبر 12, 2017
Rating:
ليست هناك تعليقات: