البقلاوة الجزائرية الوصفة الاصلية

السلام عليكم اليوم جبتلكم وصفة جزائرية تلقيدية الي هي البقلاوة .

المقادير : 

العجينة :

• 4 كيلات فرينة
• نص كيلة سمن 
• حبة بيض 
• قرصة ملح
• الماء 
• ماء الزهر 

الحشوة : 

• 3 كيلات لوز او كاوكاو
• كيلة مشي معمرة سكر 
• قرفة 
• فانيليا
• ملعقة سمن
• ماء الزهر 

التزيين : 

• عسل 
• حبات لوز او كاوكاو

التحضير :

1. نخلط الفرينة مع قرصة الملح و ندير كي الحفرة فالوسط نضع فيها السمن ذايب  و ماشي سخون بزاف و نخلط باليد  ثم نضيف بيضة و نرشو بالماء و المازهر مخلطين حتى تصبح عجينة .
2. نغطيوها و نخليوها ترتاح نصف ساعة .
3. نحلوها بآلة فتح العجين بالدرجات حتى نصل الى الرقم 8. باستعمال النشاء (المايزينة ) شرائط عريضة قد ما تقدري .
4. ندهن الصينية بالسمن جيدا ثم نبداو نحطو ف الشرائط تاع العجينة و حدة قدام اختها جهد الصينية 
5. و ندهنها بالسمن الي نضيفولو قرصة خميرة حلوى باه تتورقلنا العجين . و هكذا نكونو كملنا الطبقة الاولى 
6. نستمر بنفس الطريقة مع عكس الطبقات . نعمل 7 طبقات .الطبقة الاخيرة ما ندهانهاش بالسمن من اجل اضافة الحشوة .

تحضير الحشوة : 

1. نخلط جميع مقادير الحشوة و تكون الحشوة مثل الكسكس ماشي حاكمة روحا بزاف .
2. الان نوزع الحشوة فوق العجينة جيدا بطيرقة مستوية .

1.    ثم بنفس الطريقة نكمل ندير 6 طبقات من فوق الحشوة مع دهن كل طبقة بالسمن ، حتى الطبقة الاخيرة 
2. نقطعها و نرشقها باللوز او الكاوكاو . نتركها ليلة كاملة ترتاح باه ندخلها فرن حار 250 درجة و المفضل الي ماعندهاش كوشة تديها للكواش يطيبهالها لان الفرن الكهربائي مشي قوي كفاية باه طيب و ايضا يستهلك كهرباء كثيرة .
3. و غير تخرج مالكوشة نسقيها بالعسل حتى تتغرق بيه و خليها تشرب ليلة كاملة باه نحيها مالصينية 

و شهية طيبة .