سوفلي بالطون

السلام عليكم في مطبخ ان علي اليوم مع وصفة جديدة، و هي سوفلي بالطون بعجينة روعة ماكاش اسهل منو  ما عليكم غير تبعوا المقادير و تجربوها .

المقادير :

العجينة : 

• كأس حليب دافئ 
• ربع كأس زيت 
• حبة بيض 
• ملعقة كبيرة سكر 
• ملعقة كبيرة خميرة خبز 
• ملح
• فرينة 

الحشو : 

• بطاطا مقلية مكعبات .
• جبن .
• صوص طماطم (راني كاتبتها فالميني بيتزا ).
• الطون .
• زيتون .
• بيض مسلوق.

التحضير : 

1.  نخلط الحليب و الزيت و البيضة و الخميرة و السكر ، و الملح ، و نضيف الفرينة بالتدريج حتى تصبح عجينة طرية .
2. نتركها تخمر لمدة 30 دقيقة ، ثم نحلها و نقطعها دوائر كبار  .
3. نديرو شوية صوص، و نضيف فوقها الطون و البطاطا المقلية ، نسكرفج البيض و نديرو ، نقطعلها قطع جبن ابيض او جبن مبشور على حساب واش عندك ، ندير الزيتون و نغلق العجين على شكل السوفلي و نضغط على الاطراف بالاصابع مليح باه ما تنفتحش العجينة .
4. ندهنهم بالبيض و نديرلهم سانوج او سمسم، انا درت زيتون مالفوق . و نتركهم يخمرو لمدة 15 دقيقة .
5. ندخلهم الفرن حتا يحمارو .

و شهية طيبة .