السلام عليكم في وصفة جديدة من مطبخ ام علي
اليوم جبتلكم وصفة صابلي سهلة و مضمونة
المقادير :
- 250غ زبدة
- نصف كأس سكر رطب
- بيضة
- فانيليا
- ملعقة صغيرة خميرة حلوى .
- فرينة حسب الحاجة .
التزيين :
- معجون بأي نكهة .
- سكر تسكار (رطب).
التحضير :
- نضع الزبدة الطرية في اناء و نمزجها جيدا مع السكر
- نضيف بيضة و الفانيليا و نخلط جيدا .
- نضيف الفرينة بشوية و خميرة الحلوى حتى تصبح عجينة طرية .
ملاحظة :ما تعجنيش العجينة ، لميها فقط .
- ثم رشي الطاولة بقليل من الفرينة ماشي بزاف و حلي العجينة ثم قطعيها بالقالب التي تحبيه . مع ان تكون وحدة مثقوبة و الاخرى غير مثقوبة .
- ندخلهم الفرن بدرجة 180 لمدة 10 حتى 15 دقيقة حسب الفرن ديالك و طيبيهم غير مالتحت .
- بعد ما يطيب نتركه يبرد ثم نلسق وحدة مثقوبة معا وحدة مغلوقة بالمعجون ، وزيدي عمري الوسط بشويا معجون .و زيني بالسكر الرطب م الفوق بالصفاية .
و شهية طيبة .
صابلي يذوب فالفم
Reviewed by oum ali
on
أكتوبر 08, 2017
Rating:
ليست هناك تعليقات: